Aksidenti në autostradën “Arbën Xhaferi”, një person i lënduar rëndë

E plotësuar: Sot rreth orës 15:25, në autostradën “Arbër Xhaferi” në KM 56, drejtimi Hani Elezit-Prishtinë, është shkaktuar një aksident trafiku me lëndime dhe dëme materiale.

Lajmin për Telegrafin e ka konfirmuar zëdhënësi i policisë, Daut Hoxha.

Hoxha tha se të përfshira në aksident janë; një automjet dhe një kamion, meqë rast përveç dëmeve materiale lëndime të rënda trupore ka marrë shoferi i automjetit.

”Deri në këtë fazë ekipet relevante emergjente kane dale në vendin e aksidentit, i lënduari është përcjell për trajtim mjekësorë, ndërsa njësia për kontroll dhe menaxhim te trafikut ne autostradë po merret me procedurat tjera ne vendin e ngjarjes”, ka thënë Hoxha.

Hoxha ka apeluar te pjesëmarrësit ne trafik, ne veçanti tek drejtuesit e automjeteve që gjatë vozitjes se automjeteve të shtojnë vigjilencën e tyre dhe ngasjen e automjetit ta përshtatin me kushtet e rrugës duke respektuar ne plotëni edhe rregullat qe dalin nga ligji trafikut si për kufizimin e shpejtësisë dhe mbajtjen e distancës në mënyrë që të shmangen aksidentet e tilla që shpesh përfundojnë me pasoja tragjike apo humbje te jetëve njerëzore. /Telegrafi/

—–

Një aksident i rëndë trafiku ka ndodhur sot në autostradën “Arbën Xhaferi”, ku janë përfshirë dy vetura.

Nga fotografitë që ka siguruar Telegrafi, shihet se dëmet materiale janë të mëdha ndërkaq nuk dihet nëse ka të lënduar.

Telegrafi do t’ju mbajë të informuar. /Telegrafi/