Ahmeti për ditëlindje gjobitet për mosrespektim të masave anti-COVID, dikush e lajmëroi policinë se ka “dasmë”

Kryetari i Komunës së Prishtinës, Shpend Ahmeti, është gjobitur gjatë ditës së djeshme nga policia dhe inspektorët për mosrespektim të masave kundër COVID-19. Thotë se është çuditurs se si “pa nisur ende një mbledhi familjare në hapësirë private, dikush paska lajmëruar ‘dasëm'”.

Ahmeti, përmes një postim në rrjetin social Facebook, ka thënë se ka festuar ditëlindjen me familjen e tij në një hapësirë private ndërsa më pas aty kishin shkuar Policia dhe inspektorët e AVUK-ut.

“Mbrëmë kam festuar ditëlindjen me familje në një hapësirë private – jo biznes – ku kemi qenë rreth 15 persona prej të cilëve gjysma familjarë (në mes tyre bashkëshortja dhe fëmijët). Ende pa filluar dhe rreth orës 20 (dy orë para orës policore) kanë ardh tre kerre të policisë dhe 2 të AVUK të cilët më kanë thënë se dikush ka lajmëruar dasëm…”, ka shkruar Ahmeti.

Postimi i plotë i Ahmetit:

“Mbrëmë kam festuar ditelindjen me familje në një hapësirë private – jo biznis – ku kemi qenë rreth 15 persona prej të cilëve gjysma familjarë (në mes tyre bashkëshortja dhe fëmijët). Ende pa filluar dhe rreth orës 20 (dy orë para orës policore) kanë ardh tre kerre të policisë dhe 2 të Avuk të cilët më kanë thënë se dikush ka lajmëruar dasëm…??‍♂️

U çudita se si pa nisur ende një mbledhi familjare në hapësirë private, dikush paska lajmëruar “dasëm”.

Unë kërkova që të gjobitemi sipas ligjit. Unë dhe mysafirët u dënuam me gjoba për mosmbajtje të distancës dhe maskave. Nga 35 euro.

Në këso rrethanash dhe pa hyrë në konspiracione, me sinqeritetin më të madh e falënderoj Policinë e Kosovës dhe AVUK për sjellje profesionale gjatë vizitës.

Mua mbledhia private më kushtoi më shtrenjtë, por rregullat vlejnë edhe për kryetarin pa marr parasysh se a pajtohem me masat apo jo.

P.s. Kjo ishte mënyrë e mirë me tregu se sot kam ditëlindjen”, ka shkruar Ahmeti. /Telegrafi/