Ahmeti: Nesër votohet platforma për dialogun nga delegacioni shtetëror

Ka përfunduar takimi i rregullt i Ekipit negociator ku është diskutuar për versionin e platformës për dialog.

Bashkëkryesuesi i këtij ekipi, Shpend Ahmeti ka thënë se gjatë këtij takimi i kanë dhënë komentet përfundimtare, dhe se beson që të premten do ta dërgojnë në Kuvend.

Lexo po ashtu Mblidhet Ekipi negociator, diskuton rreth platformës për dialog (Foto)

“E patëm edhe një takim për platformën dhe versionin e saj, ku i dhamë komentet përfundimtare që i patëm, tash edhe njëherë e dërgojmë sot në subjektet politike për ta diskutuar dhe besoj që nesër jemi të gatshëm për ta votuar në delegacionin shtetëror. Nëse nesër e votojmë në delegacion, besoj që të premten mund ta dërgojmë në Kuvend. Që ka diçka me shtuar ai është president mund t’i dërgojë kuvendit letër në momentin kur të caktohet seanca nuk kemi pasur kërkesa të tilla, kjo platformë buron nga mandati i Kuvendit dhe nga diskutimet që i kemi pasur në delegacionin shtetëror”, ka thënë Ahmeti.

Ai njoftoi se takimi i delegacionit do të mbahet nesër nga pra 15:00 ku pritet që ky draft të votohet.

Ahmeti ka ripërsëritur se kjo platformë është hartuar mbi bazën e Kushtetutës së Kosovës. /Telegrafi/