Agjenti i sulmuesit argjentinas, Sergio Agueros, ka testuar terrenin mbi mundësinë e largimit të klientit të tij nga Manchester City.
Sulmuesi, 29-vjeçar, është i lodhur nga marrëdhëniet e tij të vështira me trajnerin e Manchester Cityt, Pep Guardiola.
Kështu, Aguero nuk e sheh një të ardhme për veten e tij me klubin anglez, pasi klubi po shikon edhe afrimin e sulmuesit të Arsenalit, Alexis Sanchez.
Sipas mediumit spanjoll Don Balon, Aguero tani është duke eksploruar opsionet e largimit nga Etihad, por ka marrë pak inkurajim.
Aguero mbetet njëri nga sulmuesit më të mirë në botë në qarkullim (Getty Images)
Në të vërtetë, thuhet se tri klubet e mëdha evropiane e kanë refuzuar atë - Real Madridi, Interi dhe Milani.
Të tre klubet janë në treg për një sulmues të ri - por kushtet personale të Agueros janë thjesht shumë të larta dhe nuk ua lejojnë transferimin e tij.
Nëse Aguero do të largohet nga City, ai do të duhet të heqë dorë nga kërkesat e tij të larta për pagë.
Në anën tjetër as çmimi i tij nuk është i ulët pasi mendohet se vlen rreth 80-90 milionë euro. /Telegrafi/
