Agnelli arrin në Greqi, takim me Ronaldon dhe Mendesin për ta mbyllur marrëveshjen

Presidenti i Juventusit, Andrea Agnelli, ka mbërritur në Greqi me një helikopter për t’u takuar me sulmuesin e Real Madridit, Cristiano Ronaldo.

I pari i klubit bardhezi ka fluturuar në Greqi me një avion privat ku super ylli portugez po i kalon pushime.

Raportimet e fundit bëjnë të ditur se Real Madridi e ka pranuar ofertë prej 100 milionë eurove për CR7.

Lexo po ashtu Mediumet spanjolle dhe italiane: Real Madridi e pranon ofertën e Juventusit për Ronaldon

Mediat si në Spanjë ashtu edhe në Itali e bëjnë të kryer transferimin, ndërsa pritet të bëhet vetëm zyrtarizimi.

Sportitalia e ka transmetuar një video ku shihet një helikopter që arrin në vendin ku po pushon 33-vjeçari.

Sipas gazetarit Carmine Russo, helikopteri mban Agnellin, i cili ka fluturuar deri në Greqi për ta mbyllur marrëveshjen me Ronaldon.

Ronaldo dhe Agnelli mund të kthehen së bashku në Itali, bashkë me agjentin Jorge Mendes, i cili po ashtu do të bashkohet me këta të dy për ta mbyllur marrëveshjen. /Telegrafi/