Adoleshenti kapet duke shikuar pornografi, ndëshkohet së bashku me familjen nga regjimi i Kim Jong-un

Regjimi i Koresë së Veriut po rrit kontrollin mbi popullsinë e vendit, në një ofensivë të nxitur nga një ligj shtypës i miratuar në fund të vitit të kaluar.

Rasti më i fundit që tregon qëllimin e valës së re të shtypjes nga diktatura Kim Jong-un ndodhi në fillim të këtij muaji, kur një adoleshent u internua në fshat së bashku me prindërit e tij pasi u kap duke parë pornografi në shtëpinë e tyre në Sinuiju, një qytet i rëndësishëm i vendosur në kufirin me Kinën.

Siç raportohet nga DailyNK, adoleshenti po shikonte një video pornografike natën vonë kur prindërit e tij nuk ishin në shtëpi. Ai u kap gjatë një inspektimi të befasishëm nga një task forcë e krijuar për të monitoruar sjelljen “devijante”, transmeton Telegrafi.

Norma përcakton dënime nga 5 deri në 15 vjet punë në ndonjë vend, por në rastin e adoleshentit, dënimi ishte deportim i tij.

Ligji parashikon gjithashtu gjoba prej 100 deri në 200 dollarë amerikanë për një krim të shkaktuar nga “arsimimi i papërgjegjshëm” i të miturve dhe urdhëron që e gjithë familja të lëvizë nga fshati si ndëshkim. /Telegrafi/