Abdixhiku në Deçan: Të gjithë duan të duken sikurse ne

Kandidati për kryeministër nga Lidhja Demokratike e Kosovës (LDK), Lumir Abdixhiku, pas një tubimi të mbajtur në Deçan, theksoi rëndësinë dhe traditën e gjatë të LDK-së në historinë politike të Kosovës.

Me një dozë ironie, Abdixhiku vuri në dukje përpjekjet e kundërshtarëve për t’u ngjasuar me LDK-në.

“DEÇAN çka keni ba’ kështu?! Tash po e kuptoj se pse në këtë fushatë, të gjithë po na kanë zili; të gjithë duan të duken sikurse ne! Aq shumë zili na kanë, sa që tani po thonë ne jemi LDK!”, ka shkruar Abdixhiku.

Ai propozoi që slogani i partisë të ndryshohet nga “Bëhu Ndryshimi” në “Krejt Kosova LDK”, duke ftuar qytetarët që të votojnë për numrin 124.

“Them ta ndryshojmë slloganin sot,

Nga bëhu ndryshimi në ‘Krejt Kosova LDK’! E meqë duan të na ngjasojnë, e meqë aq shumë duan të duken si ne, le tua bëjmë më të lehtë!

Le të votojnë drejt LDK, le të votojnë 124

Sepse ne jemi Lidhja Demokratike e Kosovës!

Nga 1989 deri më sot

LIRI, PAVARËSI, DEMOKRACI!

Jeton të lumtë! Armend, Fadil, Hysen e Zeqir, suksese!”, ka shtuar Abdixhiku.