Dekadat kalojnë dhe veterani anglez James Milner vazhdon të luajë në Ligën Premier dhe të shënojë gola. Dje ai u bë golashënuesi i dytë më i vjetër në historinë e Ligës Premier.
James Milner shënoi një gol kundër Manchester Cityt për të barazuar rezultatin në 1:1, dhe në fund të ndeshjes, Brightoni i tij shënoi golin e dytë për rezultatin përfundimtar 2:1.
Milner dje u bë golashënuesi i dytë më i vjetër në historinë e Ligës Premier, dhe gjithashtu golashënuesi më i vjetër i penalltive.
Ai shënoi golin kur ishte 39 vjeç e 239 ditë, dhe vetëm një futbollist në historinë e Ligës Premier ka shënuar gol në një moshë më të madhe.
Bëhet fjalë për Teddy Sheringham, i cili shënoi golin e fundit në Ligën Premier në karrierën e tij për West Ham në moshën 40 vjeç e 268 ditë.
Milner vendosi rekordin për hendekun midis golit të parë dhe të fundit të karrierës së tij në Ligën Premier . Pikërisht 22 vjet e 248 ditë kaluan midis golit të parë dhe të fundit të Milner.
Ai shënoi golin e tij të parë në Ligën Premier në moshën 16 vjeç e 356 ditë, ndërsa luante për Leeds, duke u bërë golashënuesi i dytë më i ri në historinë e ligës.
Një gjë tjetër interesante. Milner shënoi kundër portierit të Cityt, James Trafford, i cili kishte lindur kur Milner debutoi në Ligën Premier në vitin 2002. /Telegrafi/
