2 TB në 2.5 inç

Western Digital paraqiti versionin 2-terabajtësh të disqeve të vet portativ My Passport.

Me këtë u bë prodhuesi i parë i cili ofron disqet portativ 2.5-inçësh me kapacitet kaq të lartë, duke e tejkaluar Seagate disqet më të mëdhenj 2.5-inçësh të së cilit kanë kapacitetin prej 1.5 TB. Modelet e rinj të disqeve nga linja My Passport janë në dispozicion me ngjyrë të bardhë, kaltër, kuqe, zezëë dhe hiri me kapacitetin në mes 500 GB dhe 2 TB.

Disku më i madh i deritashëm nga Western Digital në formatin 2.5-inç nga linja My Passport kishte kapacitetin prej 1 TB, por përkundër dyfishimit të kapacitetit modeli i ri është vetëm 2 milimetra më i trashë (21 kundrejt 19) dhe 36 gram më i rëndë (230 kundrejt 194) nga versioni 1-terabajtësh. Gjithashtu theksohet se ky furnizohet përmes USB konektorit në versionet 3.0 dhe 2.0, zakonisht është i formatuar në sistemin NTFS, ka shtëpizë të qëndrueshme ndaj gërvishtjeve dhe shenjave të gishtërinjve si dhe vjen me softuerin për bërjen automatike të kopjeve të sigurta të të dhënave.

Sipas vlerësimeve të ekspertëve, 2 TB është maksimumi të cilin prodhuesit e disqeve të fortë mund të arrijnë me modelet 2.5-inçësh me përdorimin e teknologjive aktuale. Për rritjen e mëtutjeshme të kapacitetit duhet futur teknologjitë e reja.

Modeli i ri nga linja My Passport e Western Digital vjen me garanci dy vjeçare, e çmimi (në SHBA) është në mes 130 dollarë për modelin prej 500-gigabajt dhe 250 dollarë për modelin me kapacitetin prej 2 TB. /Telegrafi/