Vijon aplikimi elektronik për subvencione në bujqësi

Agjencia për përkrahje financiare në bujqësi dhe zhvillim rural, sot bëri të ditur se prej sot vijon aplikimi për subvencione në bujqësi, njofton Telegrafi Maqedoni.

Afati për aplikim është deri më 30 qershor, ndërsa risi është ajo që kërkesat do të dorëzohen në mënyrë elektronike.

Kërkesat mund të dorëzohen duke u qasur në sistemin përmes ueb faqes së agjencisë www.ipardpa.gov.mk, ndërsa për shfrytëzim më të lehtë janë përpiluar udhëzues në gjuhën maqedonase dhe shqipe.

– Me mënyrën e këtillë të aplikimit, Agjencia për përkrahje financiare në bujqësi dhe zhvillim rural, iu është afruar tërësisht punës së agjencive evropiane për pagesa. Me këtë zvogëlohet tollovia në njësitë rajonale të Ministrisë së bujqësisë, pylltarisë dhe ujërave, që ishte rast gjatë viteve të kaluara, theksoi drejtoresha e agjencisë Biljana Vukoviq.

Bujqit të cilët dëshirojnë të aplikojnë për subvencione mund të kërkojnë ndihmë edhe nga të punësuarit në njësitë rajonale  të Ministrisë së bujqësisë, pylltarisë dhe ujërave dhe Agjencisë për nxitje të zhvillimit të bujqësisë./Telegrafi/