10 organet pa të cilat mund të jetoni: Fshikëza, stomaku, zorra e trashë, shpretka, pankreasi…

Çdo organ në trupin e njeriut ka funksion të ndryshëm. Prandaj, disa pjesë të trupit tonë janë më të nevojshme se të tjerat, por ne mund të jetojmë pa disa dhe kjo është krejt normale

Njerëzit për arsye nga më të ndryshmet qofshin ato aksidentale apo për shkak të sëmundjeve janë të detyruar që të kryejnë ndërhyrje të caktuara duke hequr ndonjë organ.

Ne ju zbulojmë 10 organe të brendshme pa të cilat mund të jetoni

Sytë – Jeta mund të jetë e vështirë pa të parit, ose pa sytë, por është e qartë se shumë njerëz jetojnë jetë përmbushëse, pa dhuratën e të parit.

Mushkëria – Ju mund të keni pak mangësi në frymëmarrje, por të jetosh me një mushkëri është krejtësisht e mundur. Në vitin 1931, Rudolph Nissen, i cili operoi Albert Einsteinin, ishte kirurgu i parë që hoqi me sukses mushkërinë e një pacienti.

Fshikëza e tëmthit – Me vendndodhje pak më poshtë se mëlçi, fshikëza e tëmthit depoziton lëngun për shpërbërjen e yndyrave të ushqimit. Gurët e tëmthit të shkaktuara nga kolesteroli i lartë mund të kërkojnë heqjen e tëmthit.

Pankreasi – Ky organ i vogël qëndron pak nën stomak, dhe sekreton hormonet dhe enzimat që ndihmojnë tretjen e ushqimit. Në disa raste të kancerit pankreatik, i gjithë organi mund të hiqet, edhe pse pacienti do të kërkojë hormone zëvendësuese.

Shpretka – Shpretkë juaj qëndron pak mbi stomak, në pjesën e majtë të trupit tuaj; ajo pastron gjakun dhe lufton infektimin. Por në qoftë se sëmundja apo plagosja kërkon heqjen e saj, organet e tjera mund të kompensojnë për humbjen e shpretkës.

Stomaku – Një gastrektomi, kirurgjia për heqjen e stomakut, mund të jetë e nevojshme për të trajtuar kancerin ose ulcerat. Një gastrektomi totale rezulton në lidhjen e ezofagut tuaj direkt me zorrën, e cila do të ketë një efekt afat-gjatë në ushqimin dhe tretjen.

Zorrët – Ka rreth 7.5 metër të zorrë të holla dhe të trasha në barkun tuaj dhe, nëse është e nevojshme, e gjithë kjo mund të hiqet, ndonëse thithja e ushqyesve më pas mund të jetë problematike.

Veshka – Nëse sëmundja, dëmtimi apo helmimi pengon veshkat tuaja që të filtrojnë gjakun, ato duhet të hiqen. Ju mund të përballoni mjaft mirë të paturit të vetëm një veshke, por nëse i humbni të dyja, ju do të duhet të përdorni një makinë dialize.

Apendiciti – A është ky një organ rudimentar, apo pjesë e sistemit tonë imunitar? Gjykimi mjekësor është ende i paqartë për këtë pyetje, por është e qartë se heqja nuk shkakton ndonjë problem.

Testikujt – Organet riprodhuese janë hequr disa herë për arsye mjekësore, zakonisht prej kancerit.