1 vit pas çlirimit të Bucha-s, Zelensky: Ukraina nuk do t’i falë kurrë trupat ruse

Presidenti ukrainas Volodymyr Zelensky ka thënë se Ukraina nuk do t’i falë kurrë trupat ruse për mizoritë e dyshuara në Bucha, një vit pas çlirimit të saj.

Varrezat masive dhe dhomat e torturës janë ndër subjektet e 9,000 krimeve të luftës nën hetim, Kievi, transmeton Telegrafi.

Hetuesit ndërkombëtarë po mbledhin prova në Bucha dhe Irpin, ku Ukraina thotë se trupat ruse kryen mizori në shkallë shkallë të gjerë – akuza që Rusia i mohon.

“Kur Bucha u çlirua, ne pamë se djalli nuk ishte diku tjetër, por në tokë. E vërteta e neveritshme iu zbulua botës për atë që po ndodhte në territoret e pushtuara përkohësisht”, tha Zelensky.

Qyteti u mbajt nga Rusia për 33 ditë pas pushtimit të saj fillestar, duke rezultuar në 1,400 vdekje, përfshirë 37 fëmijë, tha Kievi.

“Ne kurrë nuk do t’i harrojmë viktimat e kësaj lufte dhe sigurisht që do t’i nxjerrim para drejtësisë të gjithë vrasësit rusë”, shtoi Zelensky.

“Ne nuk do të falim kurrë. Ne do të ndëshkojmë çdo përgjegjës”.

Udhëheqësit e Kroacisë, Sllovakisë dhe Sllovenisë kanë udhëtuar në Ukrainë për të mbajtur një ngjarje përkujtimore sot, tha qeveria kroate. /Telegrafi/