Trepça është bërë me trajner të ri pas largimit të Emin Baliqit.
Skuadra mitrovicase i ka besuar postin e të parit të shtabit teknik Tahir Lushtakut.
Lushtaku ka drejtuar më parë Drenicën dhe ka për synim që ta rikthejë Trepçën në elitën e futbollit kosovar.
Njoftimi i plotë nga KF Trepça:
Tahir Lushtaku emërohet trajner i ri i KF Trepça
Klubi i futbollit Trepça ju njofton se nga sot, Tahir Lushtaku do të jetë në krye të skuadrës si trajner i ri.
Ky vendim vjen pas një periudhe ku klubi ka kërkuar ndryshim dhe freski dhe për të rikthyer stabilitetin brenda grupit.
Tahir Lushtaku pritet të sjellë përvojën në punën me lojtarët, duke u fokusuar në ndërtimin e një skuadre kompakteDeklaratë nga trajneri i ri, z.Lushtaku.
“Falënderoj klubin për besimin. Jam i vetëdijshëm për përgjegjësinë që mbart kjo fanellë falënderoj presidentin e klubit z.Nexhmedin Haxhiu si dhe Ajet Shoshollin dhe Rafet Prekazin do të jap maksimumin për të rikthyer energjinë, besimin dhe rezultatet pozitive".
"Trepça është klub i madh dhe me histori ka potencial, me punë e përkushtim do të mundohemi ta tregojmë në fushë", tha Lushtaku.
KF Trepça i uron mirëseardhje dhe shumë suksese në detyrën e re. /Telegrafi/
