Mirlind Kryeziut ka zgjatur edhe për tre vjet të tjera marrëveshjen e tij me klubin e Zurich, pra deri në verën e vitit 2025.
Qendërmbrojtësi, tani 25-vjeçar ka kaluar në të gjitha grupmoshat e këtij klubi, ndërsa kontratën e tij të parë profesionale me klubin e nënshkroi në pranverën e vitit 2017.
Lojtari i Përfaqësueses së Kosovës, deri më tani ka zhvilluar 84 ndeshje me Zurichun.
Ai ka shënuar pesë gola dhe ka dhënë tre asistime gjatë kësaj periudhe.
✍️🏽 Der FCZ freut sich mitzuteilen, dass der auslaufende Vertrag von Mirlind Kryeziu um weitere drei Jahre bis Sommer 2025 verlängert wurde.
👉🏽 https://t.co/GxQkFmPc9y#fcz #stadtclub #NieUsenandGah pic.twitter.com/eFMp4vgMCR
— FC Zürich (@fc_zuerich) March 1, 2022
Nën drejtimin e trajnerit Andre Breitenreiter, mbrojtësi është kthyer në një shtyllë të rëndësishme të mbrojtjes dhe këtë sezon ka luajtur 22 nga 23 ndeshjet në kampionat, të gjitha 90 minuta.
Drejtori sportiv i FC Zurich, Marinko Jurendic, ka folur për zgjatjen e kontratës së Kryeziut.
“Mirlind ka vazhduar të zhvillohet dhe, falë cilësive dhe personalitetit të tij futbollistik, është kthyer në lojtarë kryesor. Jam i kënaqur që bashkëpunimi ynë do të vazhdojë dhe që Mirlind do të mbetet një pjesë e rëndësishme e ekipit tonë”, deklaroi ai.
Zurich po udhëheq në Superligën e Zvicrës me 53 pikë, dhjetë më shumë se Young Boysi. Ata deri më tani kanë fituar 12 tituj të kampionit. /Telegrafi/