Zyrtare: Apple sjell iOS 7

Versioni më i ri i sistemit operativ të Apple, iOS 7 është përfundimisht këtu, në dispozicion për shkarkim.

Gjenerata e re e sistemit operativ mobil për pajisjet e Apple si iPhone, iPad dhe iPod Touch, iOS 7, vlerësohet se përfaqëson imagjinatën e re të një platforme mobile, të dizajnuar nga kompania më e njohur për origjinalitet, Apple.

Përveç modelit të ri të telefonit të Apple, iPhone 5S dhe 5C, iOS 7 është gjithashtu kompatibil edhe me iPhone 5, iPhone 4S, iPhone 4, iPad (gjenerata e tretë e tabletit), iPad 2, dhe iPad Mini si dhe gjeneratën e pestë të iPod Touch.

Për ta përditësuar sistemin operativ aktual në pajisjen tuaj të Apple, ju duhet të shkoni në Settings > General > Software Update. Ju duhet ta pranoni njoftimin se iOS 7 është në dispozicion për shkarkim.

Specifikat e reja të versionit të ri të sistemit operativ të Apple, përveç ngjyrave të reja dhe dizajnit i cili është bërë krejtësisht prej fillimit, iOS 7, përfshijnë edhe qasjen tuaj në cilësimet e telefonit përmes rrëshqitjes lart, nga pjesa e poshtme e telefonit, AirDrop, mundësinë e re të dërgimit të përmbajtjes tek përdoruesit e tjerë të iOS që janë afër jush, si dhe më shumë mundësi për multitasking, / Telegrafi /