Zhernovski heton transferimin e një mësimdhënëseje, nga klasat e larta në ato të ulëta

Kryetari i komunës Qendër të Bashkisë së Shkupit, Andrej Zhernovski ka reaguar ndaj informacioneve të përhapura, për gjoja trasnferimin e një mësimdhënëse të kësaj komune, me qëllim që ajo të jetë mësimdhënësja e vajzës së kryetarit të OBRM-PDUKM-së, Nikolla Gruevski, transmeton Telegrafi Maqedoni.

Për ta hetuar këtë rast, Zhernovski ka kërkuar sqarime nga drejtoresha e shkollës fillore ”Dimitar Milladinov”, e cila në njoftimin me shkrim sqaron se profesoresha e gjuhës frënge është transferuar si mësimdhënëse për klasën e parë, pasi që nxënësit dhe prindët kanë treguar interesim të madh për mësimin e gjuhës frënge.

Ajo ka sqaruar se nxënësit e klasave të larta kanë dalë në oborin e shkollës për të pritur nxënësit e klasës së parë dhe se kjo ka qenë një tarditë e kahmotshme e shkollës, pra sipas saj, nxënësit nuk kanë dalur të presin Nikolla Gruevskin.

Megjithatë, Andrej Zhernovski do të vazhdojë të hetojë këtë rast dhe se për çfardo të dhëne, do ta njoftojë opinionin./Telegrafi/