Zëdhënësja e Trumpit flet për ngrirjen e fondeve të USAID: Paguajmë për “punësimin e zgjuar” në Serbi dhe operat transgjinore

Zëdhënësja e Shtëpisë së Bardhë, Karoline Leavitt, kritikoi dje Agjencinë e Shteteve të Bashkuara për Zhvillim Ndërkombëtar (USAID) në mes të një hetimi nga Departamenti i Efektivitetit të Qeverisë së Elon Musk (DOGE).

Ndërsa DOGE po kryente një rishikim të efektivitetit të agjencisë, stafit të USAID-it iu mohua qasja në zyra, transmeton Telegrafi.

Gjatë një bisede në platformën X Spaces, Musk tha se presidenti Donald Trump ra dakord që USAID duhet të mbyllet.

USAID ka ofruar miliarda dollarë ndihma humanitare në mbarë botën për dekada, por Leavitt vuri në dukje para gazetarëve se agjencia keqmenaxhoi paratë e taksave.

“Nëse shikoni mbeturinat dhe abuzimet që kanë kaluar përmes USAID-it gjatë viteve të fundit, këto janë disa nga prioritetet e çmendura për të cilat organizata ka shpenzuar para”, tha Leavitt.

Programi Diversiteti në Vendin e Punës (DEI), i cili në qarqet e krahut të djathtë quhet në mënyrë nënçmuese “punësimi i zgjuar”, është veçanërisht i shënjestruar nga administrata Trump.

Ndër shembujt e dhënë nga zëdhënësja janë:

1.5 milion dollarë për “përmirësimin e DEI (diversitetit, barazisë dhe përfshirjes) në vendet e punës në Serbi”

70,000 dollarë për një prodhim muzikor të DEI në Irlandë

47,000 dollarë për një “opera transgjinore” në Kolumbi

32,000 dollarë për një “komik transgjinor” në Peru.

“Unë nuk e di për ju, por si një taksapaguese amerikane nuk dua që dollarët e mi të shkojnë në këtë katrahurë, dhe e di që as populli amerikan nuk e bën”, tha Leavitt.

Pagesat për Serbinë kishin të bënin me “krijimin e një mjedisi që rrit potencialin e punësimit për personat LGBTQI+, zgjeron mundësitë për sipërmarrësit LGBTQI+ dhe redukton diskriminimin në vendin e punës”.

Sipas Shtëpisë së Bardhë, muajin e kaluar DOGE zbuloi dhe ndaloi një pagesë prej 50 milionë dollarësh për prezervativët në Gaza dhe 37 milionë dollarë të tjera për Organizatën Botërore të Shëndetësisë (OBSH).

Musk sugjeroi në platformën X, se “shumë nga ato para përfunduan në xhepat e Hamasit”.

Leavitt kritikoi kostot, duke i quajtur ato “një humbje e pakuptimtë e parave të taksapaguesve”.

“Arsyeja për këtë është të sigurohemi që çdo para që del jashtë, nuk bie ndesh me urdhrat ekzekutivë dhe veprimet që ky president ka ndërmarrë tashmë”, shtoi ajo.

Ajo arriti në përfundimin se kjo do të thotë “jo më financim për programet e paligjshme të DEI-së, dhe jo më financime për mashtrime të reja të gjelbra”. /Telegrafi/

Karoline Leavitt got asked why USAID is getting shut down, & she STUNNED them by giving them a lecture about where the money’s been going

– $1.5 million to advance DEI in Serbia workplaces
– $70,000 for the production of a DEI musical in Ireland
– $47,000 for a trans opera in… pic.twitter.com/4W3Hn7K9we

— DOGE NEWS- Department of Government Efficiency (@realdogeusa) February 3, 2025