Zbulohen detajet e kontratës së Dembeles, ylli francez ka një klauzolë largimi shumë të ulët nga Barcelona

Ousmane Dembele vendosi të rinovojë kontratën e tij me Barcelonën e cila skadoi në këtë verë.

Shumë skuadra të mëdha ishin vënë pas francezit, por me insistimin e trajnerit Xavi Hernandez, Dembele vendosi të qëndroj në Camp Nou.

Megjithatë anësori francez vazhdoi bashkëpunimin vetëm për dy vite me Barcelonën dhe tani ka kontratë me katalunasit deri në verën e vitit 2024.

Por ka qenë prestigjiozja franceze, L’Equipe që ka zbuluar detaje të kontratës së Dembeles me Barcelonën.

Përkundër rinovimit të kontratës, sulmuesi anësorë nuk mori asnjë bonus për nënshkrimin e kontratës së re që ndodh zakonisht tek një futbollist i lirë.

Por L’Equipe ka zbuluar një detaj shumë interesant me klauzolën që ka futbollisti.

Klauzola e Dembeles për largimin nga Camp Nou është vetëm 50 milionë euro, një shumë jashtëzakonisht e ulët duke marrë parasysh cilësitë që ka anësori.

Por nëse Dembele vendos të largohet në verën e vitit 2023, atëherë gjysma e parave të shumës së 50 milionë eurove do t’i shkonin atij dhe 25 milionë euro të tjera do t’i fitonte Barcelona.

25-vjeçari është në formë të jashtëzakonshme këtë vit me Barcelonën duke shënuar dy gola e duke asistuar në katër të tjerë. /Telegrafi/