YouTube e konfirmon shërbimin e muzikës me abonim

Ka pasur mjaft thashetheme rreth shërbimit të ri të abonimeve të muzikës në YouTube, për të cilin thuhej se do të fillonte gjatë verës së këtij viti, gjë që nuk ka ndodhur deri më tani. madje, këtë lajm e kishin dhënë disa nga zyrtarët e Google që është pronare e shërbimit të famshëm të videove në internet, YouTube.

Mirëpo, kësaj radhe ka qenë drejtoresha ekzekutive e YouTube, Susan Wojcicki ajo që e ka dhënë konfirmimin për lansimin e shërbimit me abonim për muzikën në YouTube.

Në një intervistë të dhënë në Code/Mobile, drejtoresha e YouTube ka thënë se ajo dhe ekipii saj janë duke punuar “në atë drejtim”, dhe se tanimë janë afër realizimit të qëllimeve të tyre.

Por, ajo nuk e ka konfirmuar nëse shërbimi i ri i YouTube do të quhet ose jo, Music Key, ndërsa ajo më shumë është koncentruar në atë se çfarë opsione do tu ofrohen përdoruesve të këtij shërbimi të ri, dhe çmimet që do ti ketë shërbimi për secilin abonues individual.

Dhe duke pasur parasysh se shërbimi do të përfshijë pamjet e koncerteve dhe video të tjera, vendosja e çmimit mund të jetë pak më e ndërlikuar se sa ofertat e shërbimeve që konkurrentët si Spotify i kanë.

Nuk është e qartë se kur saktësisht do të shohim këtë shërbim gati për publikun, por kjo është të paktën një tregues që shërbimi do të lëshohet brenda një kohe të shkurtër. (Telegrafi)