Kieran Trippier ka folur pas humbjes së Anglisë në finalen e madhe të Kampionatit Evropian nga Spanja.
Trajneri i Anglisë, Gareth Southgate tha pas ndeshjes se disa nga futbollistët e tij ishin nën përfomacncat e tyre maksimale, dhe kjo nuk i ka pëlqyer aspak mbrojtësit anglez.
Trippier ka thumbuar trajnerin duke thënë se lojtarët ishin në formën maksimale.
“Ekipi ishte në formë, nëse shikoni statistikat për sa i përket vrapimit, mendoj se ne jemi ndoshta skuadra me performancën më të lartë në të gjithë turneun, pra nuk është një justifikim”.
“Spanja shënoi golin e dytë dhe është gjithmonë e vështirë kur je duke ndjekur ndeshjen kundër një ekipi si ata, djemtë dhanë gjithçka”, tha Trippier.
Krejt në fund ylli i Newcastle United tha se lojtarët e rinj si Cole Palmer kanë mësuar shumë nga ky turne.
“Lojtarët e rinj si Cole Palmer do të kenë mësuar shumë nga ky turne. Të rinjtë janë ngritur në momente të rëndësishme për ne. Ata mund të mësojnë shumë nga kjo. Do t’i bëjë të rriten’, tha Trippier. /Telegrafi/