Xavi: Ishte ndeshja më e keqe e sezonit, jemi të zhgënjyer

Real Madridi kishte barazuar në derbin lokal me Atletico Madrid dhe diferenca me pikë me Barcelonën ishte shtatë, me katalunasit që kishin një ndeshje më pak të zhvilluar.

Kur pritej një fitore e Barcelonës ndaj Almerias për ta mbyllur me njëfarë mënyre çështjen e titullit në La Liga, një gjë e tillë nuk ndodhi pasi kataluansit pësuan humbje me rezultat 1-0.

Humbja e gjigantit katalunas ka bërë që gara të vazhdon të mbetet e hapur me Real Madridin që do të bëj çmos për ta mbrojtur titullin e kampionit.

Lexo po ashtu Barcelona tronditet nga Almeria - shpërdoroi mundësinë e dhjetë pikëve distancë nga Real Madridi

Me këtë disfatë ka mbetur i zhgënjyer trajneri i Barcelonës, Xavi Hernandez që e ka quajtur si ndeshja më e keqe e sezonit.

“Ishte ndeshja më e keqe e sezonit. Ndoshta u ndje edhe lodhja, por e pranoj që zhvilluam një ndeshje të shpifur”, tha Xavi.

Tekniku katalunas ka deklaruar se është i zemëruar pasi kishin mundësi të dërgonin në 10 epërsinë ndaj Los Blancos.

Lexo po ashtu “Ato shuma parash, nuk vinin në shtëpi”, Ish-bashkëshortja e Negreirës i “bën favor” Barcelonës rreth skandalit të pagesave

“Jam i zemëruar, sepse kishim mundësinë për të dërguar diferencën në dhjetë pikë, jemi të zhgënjyer”.

“Tani duhet të kërkojmë zgjidhjen e problemeve, pasi po afron faza më vendimtare e sezonit. Nuk na lejohet të bëjmë të tjera gabime. Ishte një ditë e keqe për ne”, u shpreh Xavi. /Telegrafi/