Vinicius Junior është plot besim tek vetja dhe skuadra, ai është i lumtur me paraqitjet dhe nuk i frikësohet asgjëje që mund t’i sjellë e ardhmja.
Braziliani ka thënë se është i lumtur nën urdhrat e Santiago Solarit dhe është i gatshëm të luajë ku dëshiron tekniku argjentinas.
“Ajo që po vjen nuk më frikëson. Po luaj për Real Madridin, ekipin më të mirë në botë. Nuk kam frikë nga asgjë”.
“Do të luaj kudo që trajneri dëshiron, do bëjë çdo gjë për të ndihmuar skuadrën. Djathtas, majtas, në mes, do vazhdoj të punoj që të fitoj me Madridin”, ka thënë Vinicius.
Ndeshja e ardhshme e Relit është në Kupën e Mbretit të mërkurën ndaj Barcelonës, pastaj në fundjavë në La Liga kundër Atletico Madridit.
Pas këtyre dy ndeshjeve të vështira, është radha për atë të rëndësishme në Ligën e Kampionëve kundër Ajaxit.
18-vjeçari ka shënuar katër gola në 20 ndeshje në të gjitha garat këtë sezon deri më tani. /Telegrafi/