Vetëbesimi, motivimi që kemi nevojë përditë

Vetëbesimi, një fryt i diturisë dhe qëndrimit, është i lindur, por ai mund edhe të fitohet. Keni për të bërë një prezantim? Apo keni një takim që e keni pritur prej javësh me një djalë? Informacioni i mëposhtëm mund t’ju duket interesant.

Ja disa gjëra që duhet të bëni për t’u dukur si një vajzë “bose” edhe kur ndjeni të kundërtën.

1- Relaksoni fytyrën
Kur dikush vjen me shumë nerva, Reiman thotë se është i tensionuar në fytyrë. “ Vetullat e rrudhura, dhëmbët e shtrënguar dhe koka e ulur mund të jenë shenja që mungon vetëbesimi”. Herën tjetër që do të jeni ankthioz, por nuk doni ta shfaqni atë, kushtojini vëmendje fytyrës tuaj: merrni frymë thellë dhe përpiquni të relaksoni shprehjen e fytyrës. Reiman thotë se një frymëmarrje e lehtë është një sinjal që personi ka nevojë të qetësojë nervat dhe gjithashtu një transmetim i ankthit.

2- Qëndroni drejt
Kjo është e dukshme. “Tipikisht, individët që kanë mungesë vetëbesimi do të rrinë shtrembër, me supet të përkulur përpara. Në mënyrë të pavetëdijshme ne rrimë shtrembër që të dukemi më të vegjël dhe të padukshëm”. Për t’i bindur të tjerët që jeni rehat me veten, qëndroni drejt dhe sigurohuni që duart tuaja të jenë poshtë. Arsyeja se pse duart duhet të jenë poshtë është për të dhënë një shenjë bindjeje sipas Reiman. “Është një e dhënë se qëndrimi i mirë u komunikon të tjerëve vetëbesim dhe është gjëja e parë që tregon për një person, dhe ju e dini që një person i tillë mund t’ju bëjë të ndiheni mirë. Reiman thotë se kur uleni dhe qëndroni drejt, do të kalojë më shumë oksigjen në tru, gjë që do t’ju bëjë të ndiheni të shëndetshëm, energjikë dhe do të shpëtoni nga toksinat”. Kështu që është 2 herë fitore.

3- Buzëqeshni
Kurrë mos e nënvlerësoni fuqinë e buzëqeshjes. Ekspertja thotë se buzëqeshja komunikon vetëbesim dhe ju bën më tërheqës. “Duke parë dikë që buzëqesh shkakton një reaksion kimik që redukton stresin dhe rrit sasinë e transmetuesve “të të ndjerurit mirë” në tru,” shpjegon ajo. “Është ngjitëse dhe të tjerët mund t’ju kthejnë buzëqeshjen, pra ju përfitoni nga disa efekte pozitive”.

4- Anoni kokën
Në një mjedis më intim, si për shembull në një takim ku ju doni të përcillni vetëbesim, por njëkohësisht të jeni dhe tërheqës, Reiman rekomandon të mbani kontaktin me sy, të mbështeteni ndërkohë që jeni duke folur dhe të anoni kokën në krahë të majtë, gjë që të bën më tërheqëse, shkruan Anabel. Duke e rrotulluar kokën në krahë të djathtë ju tregoni vetëbesim. Është diçka që duhet mbajtur mend dhe për intervistëm e rradhës apo jo?

5- Jepni shenja të padukshme
Në fund të ditës, shenjat e padukshme do të jenë po aq të forta sa ato të dukshmet. Reiman thotë se parfumi është një nga faktorët kryesorë të tërheqjes, dhe mund t’ju bëj gjithashtu të ndiheni me më shumë vetëbesim. “Aroma si vanilja, qelibari, sandalwood (një bimë aromatike që kultivohet në Indi) dhe myshku intensifikojnë çdo aromë tjetër që mund të keni”. /Telegrafi/