Që kur u bë pjesë e kulturës popullore në vitin 1980, falë filmit “Friday the 13th”, personazhi i Jason Voorhees është një nga më të kujtuarit nga fansat e filmave horror, të cilët tani po mbajnë zi për vdekjen e Ted White, një prej aktorëve që e solli atë në jetë në dy nga 12 filmat që përbëjnë sagën e filmave.
Artisti, i cili luajti Jason në filmin e vitit 1984 (Friday the 13th: The Final Chapter), ka vdekur në moshën 96-vjeçare.
Gjatë karrierës së tij, Ted shkëlqeu në dhjetëra filma, duke interpretuar skenat e aksionit në vend të yjeve të tillë si John Wayne dhe Clark Gable.
Ted White (Foto: Twitter)
Lajmi për vdekjen e tij është bërë i ditur përmes Facebook-ut nga producenti Sean Clark.
Ndër titujt me të cilët ka punuar White, si në film ashtu edhe në televizion, ishin The Man From UNCLE, The Andy Griffith Show, Bonanza, Mission: Impossible , Kojak, Romancing the Stone dhe shumë të tjerë.
Po kështu, ai kishte oferta për të luajtur sërish personazhin në “Friday the 13th: A New Beginning” (1985) dhe “Friday the 13th Part VI: Jason Lives” (1986), por e refuzoi.
Ai kurrë nuk e solli më në jetë Jason, por mori pjesë në disa dokumentarë rreth sagës (2009 dhe 2013).
Në vitin 2017 u botua libri “Cast a Giant Shadow”, një biografi e shkruar nga Larry K. Meredith për karrierën e White. /Telegrafi/
