Vdes një tjetër gazetar derisa po raportonte për Kampionatin Botëror

Një tjetër gazetar ka vdekur papritur teksa raportonte nga Katari për Kampionatin Botëror, vetëm 48 orë pasi Grant Wahl ndërroi jetë.

Fotoreporteri i Katarit Khalid al-Misslam, i cili punonte për televizionin Al Kass, vdiq të dielën (dje).

“Al-Misslam, një gazetar nga Katari, vdiq papritur teksa raportonte për Kampionatin Botëror”, shkroi Gulf Times në Twitter.

A second journalist dies in Qatar whilst covering the #WorldCup. Photojournalist Khalid al-Misslam from Qatari news channel Al Kass TV passed away on Saturday; a day before that, US soccer journalist Grant Wahl, 48, collapsed at the match between Argentina and the Netherlands. pic.twitter.com/yy7tXdQl8B

— Monica Grayley (@MonicaGrayley) December 11, 2022

“Ne besojmë në mëshirën dhe faljen e Allahut për të dhe i dërgojmë ngushëllimet tona më të thella familjes së tij”.

Rrethanat rreth vdekjes së Al-Misslam janë të paqarta në këtë fazë.

Wahl vdiq papritur nga një atak i raportuar në zemër ndërsa raportonte për ndeshjen çerekfinale të Holandës kundër Argjentinës në Doha.

Mediat amerikane thanë se Wahl u rikthye në vendin e tij gjatë kohës shtesë përpara se gazetarët e tjerë të thërrisnin për ndihmë.

Shërbimet e urgjencës kanë mbërritur menjëherë në vendngjarje, por ai ka ndërruar jetë më vonë në mënyrë tragjike.

Gazetari po mbulonte Kampionatin e tij të tetë Botëror dhe u bë i njohur më shumë në turne kur pretendoi se iu refuzua hyrja në një ndeshje, pasi kishte të veshur një fanellë me ngjyra ylberi. /Telegrafi/