LAJMI I FUNDIT:

Valë plaçkitjesh brutale në SHBA, zinxhirë të mëdhenj dyqanesh po mbyllen në mënyrë masive

Valë plaçkitjesh brutale në SHBA, zinxhirë të mëdhenj dyqanesh po mbyllen në mënyrë masive

Për shkak të një vale plaçkitjesh të dhunshme, shitësit e mëdhenj amerikanë kanë paralajmëruar se nivelet “të pashembullta” të krimit, çuan në humbje prej 112 miliardë dollarësh vitin e kaluar.

Në vjedhjet masive të dhunshme, punëtorët e dyqaneve janë rrahur dhe disa janë vrarë, duke bërë që shumë dyqane të punësojnë roje shtesë për të mbrojtur stafin e tyre, transmeton Telegrafi.


Bandat e organizuara janë kapur vazhdimisht nga kamerat duke sulmuar dyqanet, duke rrëmbyer një grusht mallrash nga raftet përpara se të iknin, raporton The Times.

Disa nga plaçkitjet masive janë organizuar në rrjetet sociale. Njëra u organizua nga Dayjia Blackwell, e cila në rrjetet sociale quhet “meatball”.

Ajo po transmetonte drejtpërdrejt plaçkitjet e dyqaneve në qendër të Filadelfias. Sipas New York Post, Meatball postoi për 650,000 ndjekësit e saj në Instagram dhe TikTok pas grabitjes: “Thuaju policisë të më mbyllin sonte ose do të djegim, do të jetë si një film”. Pas kësaj ajo u arrestua.

Target, një nga shitësit më të mëdhenj të Amerikës, ka njoftuar se po mbyll dyqanet në qytetet kryesore, duke përfshirë Nju Jorkun, Seattle, San Francisko e Portland.

“Ne nuk mund të vazhdojmë të operojmë me këto dyqane sepse vjedhja dhe krimi i organizuar kërcënojnë sigurinë e ekipit tonë dhe mysafirëve dhe kontribuojnë në një biznes të paqëndrueshëm”, tha Target.

Në San Francisko, një numër zinxhirësh të mëdhenj, si Walgreens, Old Navy, Nordstrom dhe Whole Foods, kanë mbyllur kohët e fundit dyqanet në qendër të qytetit.

“I kuptoj sfidat me të cilat përballet Target në qytetet anembanë vendit dhe jam i zhgënjyer nga lajmi për mbylljen e tij në Oakland. Qëllimi im është të vazhdoj të punoj në partneritet me anëtarët e komunitetit të biznesit për të garantuar sigurinë dhe suksesin e tyre në qytetin tonë”, tha kryebashkiaku i Oakland, Sheng Thao. /Telegrafi/

Në trend Botë

Më shumë
Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Shkencëtari i njohur turk paralajmëron: Mund të goditemi nga një tërmet i fuqishëm prej 7 ballësh të Rihterit

Turqia
Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Zelensky: Nuk do të pranoj kurrë asnjë vendim midis SHBA-së dhe Rusisë për Ukrainën

Botë
Duhet bërë diçka të ngjashme si në Kosovë, thotë presidenti finlandez për Ukrainën

Duhet bërë diçka të ngjashme si në Kosovë, thotë presidenti finlandez për Ukrainën

Evropa
Agjenti ukrainas udhëtoi në Moskë për të vendosur eksploziv nën radarin anti-dronë

Agjenti ukrainas udhëtoi në Moskë për të vendosur eksploziv nën radarin anti-dronë

Evropa
Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Tanku rus sulmohet nga artileria ukrainase, nga frika se do të hidhet në erë shkelë ushtarët e vetë

Evropa
Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Izraeli merr një ngarkesë amerikane me bomba 900 kilogramëshe, të cilat Biden refuzonte t’ia jepte

Azia
Kalo në kategori