LAJMI I FUNDIT:

Vakitë e javës së 15-të në futbollin kosovar

Vakitë e javës së 15-të në futbollin kosovar

Menaxheri dhe vëllai i Xherdan Shaqirit, Erdini vëzhgoi kryendeshjen Hysi – Prishtina. Në këtë takim pati vaki të ndryshme, si debutimi i portierit të Prishtinës, Alban Muçiqi për ditëlindje. Në Vushtrri u realizua gol nga korneri. Ajvazi kopjoi Munishin...

Shaqiri në ndeshjen Hysi – Prishtina

Vëllai i yllit kosovar të Bayern Munishut, Xherdan Shaqiri, Erdini, ishte i pranishëm në kryendeshje. Ai përcolli gjithë ndeshjen, dhe qëndroi në këmbë, te pjesa ku janë të vendosura kamerat televizive. Erdin Shaqiri, njëkohësisht është edhe menaxher i Xherdanit dhe disa futbollistëve tjerë që luajnë në liga të huaja, andaj vëzhgimi i ndonjë lojtari, ka mundur të jetë arsyeja e vizitës që i bëri stadiumit në Merdar.

Muçiqi debuton për ditëlindje


Portieri i dytë i Prishtinës, Alban Muçiqi, ka debutuar për ditëlindje në ekipin e parë. Ai mbushi 18 vjet. Albani zëvendësoi Azem Ahmetin në minutën 80, pasi portieri i parë, Mushica u ndëshkua me kartonin e kuq. Muçiqi pritet të ruajë portën edhe në dy takimet e ardhshme të Prishtinës, ndaj Dritës e Hajvalisë.

Ajvazi kopjon Munishin

Trajneri i Trepçës, Emin Ajvazi, kopjoi Ismet Munishn e Llamkos Kosovës, sa i përket deklaratës. Ajvazi në një mënyrë i quajti gladiatorë lojtarët e tij, emërtim ky i thënë muaj më parë nga Munishi. “Sa i përket lojës i falënderoj lojtarët e mi për angazhim, sepse vërtetë gjatë 90 minutave bënë lojë gladiatore”, tha Ajvazi.

Livoreka ia kap faqen gjyqtarit

Përparim Livoreka i Hysit, pas ndëshkimit me karton të verdhë nga gjyqtari kryesor Kreshnik Vula, ia kapi faqen gjyqtarit. Këtë e bëri në shenjë falënderimi.

Osmanët shënojnë në minutat e fundit

Dy lojtarë me mbiemrin Osmani, kanë shënuar gola në minutat 89 dhe 90+3. Labinot Osmani shënoi një minutë para fundit në fitoren 2:1 të Llamkos Kosovës ndaj Besës, ndërsa te Hysi realizoi Përparim Osmani, në fitoren 2:0 ndaj Prishtinës.

E gëzon korneri

Sulmuesi i Besës, Egzon Gashi shënoi gol nga goditja e këndit. Ai e bëri këtë në takimin me Llamkos Kosovën.

Në Merdar pa kontrollor

Në prokollin e ndeshjes Hysi – Prishtina, nuk figuronte askund emri i kontrollorit, që gjë nuk ndodh zakonisht në ndeshje, sidomos në ato të Superligës. Sidoqoftë, gazeta mëson se kontrollor ishte Feriz Parllaku.

Haxhaj, nga lojtar i javës në rezervë

Mbrojtësi i Prishtinës, Adnan Haxhaj, në fitoren 2:0 ndaj Trepçës ’89, ishte lojtari i ndeshjes dhe nga Arena u vlerësua futbollisti më i mirë i javës 14. Ai kishte shënuar golin e parë me kokë dhe ishte i pathyeshëm në mbrojtje. Ndërkohë, në takimin e radhës, ai ‘nxehu’ bankinën, në humbjen 2:0 nga Hysi.

Drita me supergola

Drita mundi 2:1 Feronikelin, kurse lojtarët e saj shënuan dy super gola. Të parin e shënoi Betim Syla prej rreth 35 metra, kurse Xhevdet Shabani prej rreth 25 metra. Për Feronikelin shënoi Emir Rama, që i realizoi ish-skuadrës së tij.

Morina mundi pasardhësin e tij

Trajneri i Dritës, Arbnor Morina mposhti pasardhësin e tij te Feronikeli, Ramiz Krasniqi. Madje, ai debutoi në Gjilan, pikërisht ndaj Feronikelit, të cilët i drejtoi në fillim të këtij kampionati. /Tribuna/Telegrafi/

Në trend Sport

Më shumë
Presidenti i SHBA-së, Donald Trump zbulon se është mbështetës i gjigantit të Ligës Premier

Presidenti i SHBA-së, Donald Trump zbulon se është mbështetës i gjigantit të Ligës Premier

Premier League
I

I "uritur" për më shumë minuta - Arda Guler pajtohet t'i bashkohet gjigantit evropian këtë muaj

Serie A

"Favoriti sekret" i Ballakut për ta fituar Ligën e Kampionëve këtë sezon - do ta trondiste botën e futbollit

Liga e Kampionëve
Afati kalimtar i janarit: Transferimet minutë pas minute, emra të mëdhenj në bisedime

Afati kalimtar i janarit: Transferimet minutë pas minute, emra të mëdhenj në bisedime

"Vjedhja e sezonit" - si iu mohua Benficas penalltia sekonda para se Raphinha ta shënonte golin e fitores

Liga e Kampionëve
Barcelona është e interesuar për 'Lamine Yamalin portugez'

Barcelona është e interesuar për 'Lamine Yamalin portugez'

La Liga
Kalo në kategori