Ultrabook konvertibil nga Asus?

Asus për panairin Computex, i cili do të mbahet në fillim të qershorit të vitit të ardhshëm, pritet ta përgatis një ultrabook konvertibil me Windows 8. Bëhet fjalë për portativin me mundësi të rrotullimit të ekranit në atë mënyrë që të mund të përdoret si tablet.

Pajisja në shitje do të duhej të paraqitet pas paraqitjes së Windows 8, e sipas pritjeve, kjo mund të ndodhë gjatë qershorit. Intel në kohë të fundit sipas disa pohimeve po jap ide për ridizajnimin e pajisjeve për prodhuesit e portativëve, ndërsa ultrabookët konverbitil janë një nga mundësitë e përkrahura nga Intel. Pajisjet e holla të cilat do të mund të përdoren si tablet, e sipas nevojës të bëhet portativ i vërtet me tastierë, së bashku me Windows 8 mund të ndodhë të jenë shumë tërheqës për ata blerës të cilët kanë nevojë për mobilitet pa hequr dorë nga funksionaliteti.

Sipas planeve të Intelit, modelet e ultrabookëve që janë aktualisht në dispozicion i dedikohen promocionit të këtij lloji të kompjuterëve. Ani pse shitjet janë ende modeste, në kompani shpresojnë se kërkesa do të rritet dukshëm pas paraqitjes së procesorit Ivy Bridge, që pritet të arrij gjatë majit të vitit të ardhshëm. /Telegrafi/