Uber shtyp aksidentalisht për vdekje vogëlushen në Teksas, familjarët rrahin shoferin e veturës – publikohen pamjet rrëqethëse  

Një fëmijë i vogël në Teksas ndërroi jetë në spital, pasi ishte shtypur aksidentalisht nga shoferi i Uber derisa kaloi pranë veturës e cila e kishte sjellë në shtëpi.

Incidenti ka ndodhur të shtunën pranë kompleksit banesor në Waverly Drive të Houston, ku dy fëmijë dhe dy të rritur ishin sjellë deri atje nga një Uber, transmeton Telegrafi.

Një i rritur dhe një 6-vjeçare dolën nga Volkswagen Atlas në anën e pasme të shoferit, derisa të tjerët nga ana e djathtë e mjetit.

Në videon e kapur nga kamerat e sigurisë, shfaq momentin kur vajza e vogël ecë pranë veturës dhe goditet aksidentalisht dhe shtypet për vdekje nga shoferi Muhammad Khan.

Derisa Khan tentoi të lëvizë mbrapa për ta “liruar” vajzën, pasagjerët që ishin dëshmitarë të incidentit të tmerrshëm, vrapuan dhe iu vërsulën shoferit.

Si pasojë e goditjeve të marra është dërguar në spital për trajtim, nga ku është bërë e ditur se nuk është diçka serioze.

Deri më tani nuk është ngritur ndonjë padi apo të ketë arrestimit, por incidentit po hetohet përfshirë edhe sulmin që i është bërë shoferit të Uber. /Telegrafi/