U tha se u nda me të përmes një mesazhi – Olivia O’Brien mohon romancën me Pete Davidson

Olivia O’Brien thotë se ajo kurrë nuk ishte në lidhje me Pete Davidson pasi pretendoi se ai u nda prej saj përmes mesazheve me tekst në 2020.

Ndërsa, së fundmi ajo ka mohuar të ketë qenë në një romanca me partnerin aktual të Kim Kardashian.

“Mediat po i nxjerrin jashtë kontekstit gjërat që unë thashë në një intervistë (pasi më është bërë një pyetje shumë specifike)”, shkroi ajo në një postim në InstaStory të premten (1 korrik).

“Kurrë nuk kam pretenduar që jam takuar me dikë, ndaloni së munduari të filloni një dramë të çuditshme mbi mua duke i dërguar mesazhe dikujt 2 vjet më parë”, tha tutje ajo.

Këngëtarja, 28 vjeçe, në një postim pasues u ka kërkuar njerëzve që “të shikojnë intervistën ose mbyllin gojën”.

Megjithatë, O’Brien nuk ishte e vetmja që ka mohuar pretendimet për një lidhje ne Pete në të kaluarën.

Përfaqësuesi i Davidson tha Page Six se: “Nuk ka asnjë të vërtetë për këtë. Ata ishin miq dhe u shoqëruan disa herë”.

Këngëtarja e “Josslyn” adresoi thashethemet se Davidson i kishte dhënë fund gjërave me të për të ndjekur një lidhje me yllin e “Bridgerton” Phoebe Dynevor në episodin e të mërkurës në podcast “BFFs”.

Lexo po ashtu Kim Kardashian sjell të tjera imazhe joshëse në bikini nga pushimet me Pete Davidson

O’Brien i tha Portnoyit se ajo nuk mendonte se “ndokush e dinte për këtë”, duke thënë se kjo kishte ndodhur “shumë kohë më parë”. Pavarësisht ndarjes së supozuar, ajo ende mendonte se ai ishte një “djalë i mirë”.

Ndërkohë, Pete po vazhdon të takohet me yllin televizive Kim Kardashian që kur ajo ishte nikoqire në “SNL” në vjeshtën e vitit 2021. /Telegrafi/