U inaugurua Memoriali ‘Heroinat’ në Prishtinë (Video)

Alma Lama, iniciuese e memorialit ‘Heroinat’ tha se kjo është një mirënjohje për gratë kosovare që kanë kontribuar shumë për shoqërinë dhe shtetin e Kosovës.

Kryeministri, Isa Mustafa tha se ky memorial tregon respektin institucional për kontributin e grave për shoqërinë dhe shtetin e Kosovës, në kushte tmerrësisht të rënda, ku populli përjetonte trauma të përmasave apokaliptike.

Ai tha se është e pamundur të numërohen kontributet e grave përgjatë viteve të tëra të punës për çlirimin e vendit.

“Historia e kombit tonë është e pasur me emra grash që kanë qenë pjesë e arritjeve”, tha ndër të tjera, Mustafa.