Trump: Pengjet dukeshin si të mbijetuar të Holokaustit, po e humbasim durimin

Presidenti amerikan Donald Trump ka deklaruar se po humbet durimin me marrëveshjen e armëpushimit midis Izraelit dhe Hamasit pasi pa pamjet e grupit militant të lironte pengjet izraelitë gjatë fundjavës, pamjen e të cilëve ai e krahasoi me të mbijetuarit e Holokaustit.

Reagimi i Trumpit për imazhet e tre pengjeve, të cilët u shfaqën të dobët pas lirimit të tyre të shtunën, sjell pasiguri mbi fatin e marrëveshjes përpara se të lirohen të gjitha 76 pengjet e mbetura.

Gjithashtu, kjo deklaratë vjen pasi presidenti bëri thirrje për largimin e palestinezëve nga enklava de që SHBA-ja të merrte kontrollin e saj, shkruan Reuters, përcjell Telegrafi.

“Ata duken si të mbijetuar të Holokaustit. Ata ishin në gjendje të tmerrshme. Ata ishin të dobësuar”, tha Trump.

Lexo po ashtu Trump këmbëngul në marrjen e Gazës: Ne do ta rindërtojmë atë

“Unë nuk e di se sa kohë mund të zgjasë kjo, në një moment mund ta humbasim durimin”, shtoi ai.

Ndryshe, tre pengjet izraelite të liruara së fundmi u shfaqën në një gjendje më të rënduar se ata të liruar më parë.

Shumë të burgosur palestinezë të liruar nga Izraeli janë shfaqur gjithashtu të dobësuar.

Kryeministri izraelit Benjamin Netanyahu tha se pamja e pengjeve ishte tronditëse dhe do të adresohej. /Telegrafi/