Trump habit me thirrjen drejtuar mbështetësve të tij: “Dilni dhe votoni, pasi nuk do t’iu duhet ta bëni më”

Donald Trump ka ndezur alarmin mes kritikëve të tij pasi i tha një turme mbështetësish se nuk do të “duhet të votojnë përsëri” nëse e kthejnë atë në presidencë në zgjedhjet e nëntorit.

“Të krishterë, dilni dhe votoni! Vetëm këtë herë – nuk do të duhet ta bëni më”, tha ish-presidenti republikan në një tubim të organizuar në West Palm Beach, Florida, nga grupi mbrojtës i ekstremit të djathtë, Turning Point Action.

“E dini çfarë? Do rregullohet! Do të jetë mirë. Nuk do të duhet të votoni më, të krishterët e mi të bukur”, shtoi ai.

Në atë moment, me një tundje të lehtë të kokës dhe dorën e djathtë të vendosur në anën e majtë të gjoksit, Trump tha: “Unë nuk jam i krishterë”.

Ai shtoi: “Dilni, duhet të dilni dhe të votoni. Në katër vjet, nuk keni pse të votoni më. Do ta rregullojmë kaq mirë, nuk do të duhet të votoni”.

Bëhet e ditur se vërejtjet e Trumpit u pritën menjëherë me habi në disa qarqe politike, shkruan the Guardian, përcjell Telegrafi.

Avokati kushtetues dhe i të drejtave civile, Andrew Seidel, iu përgjigj videos së komenteve të Trumpit që po qarkullon në X duke shkruar: “Ky nuk është nacionalizëm i krishterë. Ai po flet për përfundimin e demokracisë sonë dhe instalimin e një kombi të krishterë”.

He’s talking to “my beautiful Christians” here. And saying they won’t have to vote again. This is not subtle Christian Nationalism, he’s talking about ending our democracy and installing a Christian nation. https://t.co/6vmzel9SAE

— Andrew L. Seidel (@AndrewLSeidel) July 27, 2024

Aktori Morgan Fairchild shtoi në një postim të veçantë: “Por, çka nëse dua të votoj përsëri? Kjo është Amerika”.

Dhe komentatorja ligjore e NBC-së, Katie Phang, tha: “Me fjalë të tjera, Trump nuk do të largohet kurrë nga Shtëpia e Bardhë nëse rizgjedhet”.

Lexo po ashtu Çfarë rikthimi i Donald Trumpit - Dikur e quante 'plehër' Bitcoin, tani do të flas në konventën më të madhe të kriptovalutave

Komentet e Trumpit erdhën disa muaj pasi ai tha se do të ishte “një diktator në ditën e parë” nëse zgjidhej përsëri president.

Ai vazhdimisht e ka bërë të njohur admirimin e tij për liderët autoritarë, duke përfshirë Vladimir Putinin e Rusisë, Viktor Orban të Hungarisë dhe Kim Jong-un e Koresë së Veriut.

Ndërkohë, Projekti 2025 i Fondacionit Konservator Heritage ka plane të detajuara për të ndjekur armiqtë aktualë dhe të përceptuar të Trump – qofshin politikanë apo burokratë – nëse ai do të rizgjedhet.

Ekspertët e autoritarizmit paralajmërojnë publikun që ta marrë seriozisht Trumpin kur ai flet në atë mënyrë.

Dhe përpara se Joe Biden të ndalonte fushatën e tij më 21 korrik dhe të miratonte Kamala Harris si kandidate, presidenti demokrat vazhdimisht u përpoq ta portretizonte Trumpin si një kërcënim ekzistencial për demokracinë amerikane.

Një sondazh i publikuar nga rrjeti Fox News, miqësor me republikanët, tregoi se Trump është në një garë të ngushtë me zëvendëspresidenten Harris, në shtetet kyçe që mund të vendosin zgjedhjet e nëntorit. /Telegrafi/