Triumf komod i Anglisë që forcohet në krye të grupit (Video)

Kombëtarja e Anglisë ka regjistruar fitore komode prej 2-0 kundër Lituanisë në ndeshjen kualifikuese për Kampionatin Botëror ‘Rusia 2018’ që u zhvillua në stadiumin Wembley.

Raheem Sterling depërtoi në zonë nga e majta duke asistuar për Jermain Defoe, i cili u regjistrua në listën e golashënuesve (22’), pas mungesës së gjatë në përfaqësuese.

Gjatë 45 minutave të para nuk pati gola të tjerë dhe skuadrat shkuan në pushim me epërsi minimale të Tre Luanëve.

Golin e dytë e realizoi Jamie Vardy (66’) pas një asistimi në zonë nga Adam Lallana.

Me këtë fitore, Anglia është ngritur në kuotën e 13 pikëve dhe ruan primatin në Grupin F, ku në vend të dytë është Sllovenia (me tetë pikë) që ka një ndeshje më pak të zhvilluar.

Lituania renditet e katërta në grup dhe pas pesë xhirove ka arkëtuar pesë pikë. /Telegrafi/

https://www.dailymotion.com/video/x5gajlk_jeremain-defoe-goal-vs-lithuania-1-0_sport

A black eyed Vardy increases the lead to 2! 2-0 #ENGvLIT #VARDY pic.twitter.com/Ry7HoeA5Ks

— Lunacy Soccer (@LunacySoccer) March 26, 2017