Trajneri i Argjentinës pezullohet me një ndeshje për një rregull të çuditshëm dhe pak të njohur, kjo e mërziti Scalonin

Trajneri i Kombëtares së Argjentinës, Lionel Scaloni, u pezullua me një ndeshje nga Copa America për një rregull të çuditshëm dhe mjaft të panjohur që e theu në dy raundet e para të fazës së grupeve.

Njeriu që i solli Argjentinës titullin e kampionit të botës në Katar, mbërriti në Copa America me të njëjtin synim, që është fitimi i kampionatit me Albicelestët. Ai po bën mirë, pasi ekipi i tij ka shënuar dy fitore në dy ndeshjet e para.

Megjithatë, Përfaqësuesja e Argjentinës mori një goditje pas duelit të ndeshjes së dytë kundër Kilit, që është një pezullim me një ndeshje për Scalonin.

Scaloni theu një rregull pak të njohur që e çoi në dënim, dhe është një rregull që shumë prej nesh ndoshta as nuk e dinim se ekzistonte.

Përkatësisht, trajneri i Argjentinës mori një suspendim nga CONMEBOL për shkak se lojtarët e tij u vonuan në fushë dy herë radhazi pas pjesës së parë. Ndodhi në ndeshjen e parë kundër Kanadasë dhe më pas ai mori një paralajmërim.

Në ndeshjen e dytë, e njëjta gjë ndodhi edhe ndaj Kilit, që do të thotë se trajneri i Argjentinës ka aktivizuar një pezullim për vete dhe nuk do të jetë në ndeshjen e tretë kur skuadra e tij të luajë kundër Perusë. Dueli është planifikuar për sonte pas mesnate.

Manager Lionel Scaloni has been suspended against Peru because Argentina took too long to return to the pitch in numerous gameshttps://t.co/U9tFRlo4AK pic.twitter.com/pZ9enZOAhP

— Mirror US Sports (@MirrorUSSports) June 28, 2024

“Lionel është i mërzitur për këtë. Ne e konsiderojmë veten një përfaqësuese që ka një staf plot profesionalizëm”, ka thënë fillimisht ndihmës trajneri Walter Samuel për Athletic.

“E morëm vesh sot dhe kjo është një goditje. Ne nuk po përpiqeshim të fitonim një avantazh në fushë”, përfundoi Samuel. /Telegrafi/