Toshkovski: Për momentin gjendja e sigurisë është e qëndrueshme, qytetarët munden të flenë të qetë

“Unë po fle i qetë, kështu që edhe qytetarët munden të flenë të qetë”, tha ministri i Punëve të Brendshme, Pançe Toshkovski

Kështu u përgjigj ministri i brendshëm Pançe Toshkovski në “Daily Click” i pyetur nëse qytetarët munden të flenë qetë pas paralajmërimeve për desatbilizim të shtetit.

Ai tha se për momentin gjendja e sigurisë është e qëndrueshme edhe pse ka pasur indice për prishjen e së njëjtës.

“Shumë herë kam folur për këtë brenda muajit të fundit dhe të gjitha ato që i kam thënë u tregua se është fakt real, në aspekt se ka përpjekje për nxitje të tensioneve ndëretnike, të gjithë ne jemi dëshmitarë se kjo është ashtu, por gjithashtu jemi dëshmitarë se MPB dhe të gjitha institucionet e tjera me kompetenca në sektorin e sigurisë, reagojnë dhe do të reagojnë në të ardhmen.

I pyetur se çka ndodhi me grupet e armatosura për të cilat foli Hristijan Mickoski në fushatën parazgjedhore të cilat gjoja janë mbledhur në Çair dhe veprojnë nën udhëheqjes së njerëzve të afërm të Ali Ahmetit, Toshkoski tha se indicie të tilla ka pasur në të kaluarën.

“Kishte indice të tilla në periudhën e kaluar, kishte informacione të tilla dhe në të ardhmen për çdo gjë për të cilën do të ketë prova adekuate, MPB do të veprojë në mënyrë adekuate”, shtoi ministri i MPB-së.