Tone të buta për një pamje të bukur

Lëkurë si një gur i çmuar, tonalitete të buta, si kumbullat dhe argjendi, por edhe një femër ikonë me sy të fortë dhe depërtues. Kjo është fjala kyç për të pasur një pamje të bukur.

Tendencat e fundit të këtij sezoni veror flasin për një femër më të bukur se kurrë. Ajo që e dallon këtë stinë është të veçosh dy pamje shumë të ndryshme. Nga njëra anë të kesh një grim neutral, nudo, në të cilin elementi kryesor është lëkura e fytyrës dhe, nga ana tjetër të rishohësh femrën ikonë të shekullit 20-të, me një lëkurë neutrale si një gur të çmuar.

Tonalitete elegante
Nuancat e kësaj stine janë tonalitete elegante dhe delikate, që i ngjasojnë më shumë nuancës së lëkurës. Janë të rafinuara, ngjyrat tipike sezonale. Ato luhaten nga roza e hapur, mavi e çelur dhe deri te grija. Këtë sezon nuk do të përdoren më tonalitetet e forta si bluja e thellë. Ato duhet të jetë delikate, të buta, të çelura, shumë të qarta dhe aspak të mërzitshme. Një nga tonet më të këndshme është grija e argjendit dhe e bardha.

Buzëkuqi
Buzët edhe këtë sezon do të marrin ngjyrë, por kjo nuk do të thotë se duhet të lyhen komplet buzët. Ajo që mbizotëron më shumë këtë sezon janë aplikimet jo të plotë të buzëkuqit dhe të lapsit te buzët, për t’i dhënë një pamje dhe nuancë të re dhe të veçantë gojës. Këshillohet më shumë të përdoren tonet e ngjashme me ato të pjesës tjetër të pamjes tuaj, dhe mund të aplikoni edhe një nuancë të lehtë të buzëkuqit tuaj, sikur makijazhin ta kishit të papërfunduar.