Kamerat e vendosura në uniformat e policisë në Oklahoma, kanë kapur momentin pasi një vajzë 12-vjeçe kishte therur për vdekje me thikë vëllain e saj 9-vjeç në shtëpinë e tyre.
E ëma e dyshes Lyda i tha policisë se ishte duke fjetur në katin e dytë të shtëpisë, kur vajza e saj e zgjoi në mes të natës për t’i treguar se e kishte therur vëllain Zander, transmeton Telegrafi.
Vajza e cila nuk është identifikuar nga policia, dëgjohet duke vajtuar dhe vazhdimisht u kërkon policëve falje që arrijnë në vendin e ngjarjes në Tulsa.
Në anën tjetër djaloshi i ishte nënshtruar një ndërhyrje kirurgjike, por nuk i mbijetoi plagëve të shkaktuara nga sulmi me thikë.
Videoja e dedikuar nga The Law & Crime Network, fillon kur vajza zbret shkallëve dhe bërtet “më fal”.
Ajo vazhdimisht i pyeste policët nëse do të shkojë në burg, dhe ua dorëzon thikën me të cilën dyshohet se e kishte therur vëllain.
Megjithatë akoma mbetet i paqartë motivi i këtij sulmi me thikë që ndodhi në mes të natës, derisa e ëma e tyre ishte në gjumë dhe nuk dinte asgjë se çfarë po ndodhte. /Telegrafi/
