Telefoni nga TCL me sistem ndryshe të palosjes (Foto)

Huawei Mate X është telefoni i palosshëm, më i mirë që është parë deri më tani në Mobile World Congress që po zhvillohet në Barcelonë.

Derisa shumica e kompanive po prezantojnë telefonat e palosshëm në përpjekje që të garojnë me Mate X dhe Samsung Galaxy Fold, TCL e njohur më shumë për shitjen e televizioneve, ka krijuar një koncept, që ka sistem të palosjes, shumë më ndryshe se të tjerat, transmeton Telegrafi.

Kompania duket se i ka kushtuar më shumë rrëndësi sistemit praktik, megjithëse telefoni duket sikur ndonjë kuletë.

Në mënyrë që një telefon i palosshëm të ketë suksesin e duhur, duhet pasur parasysh disa elemente, në mesin e të cilave, është që hapësira mes dy pjesëve, të jetë sa më e padukshme.

Kujdes i shtuar duhet kushtuar përputhjes mes dy ekraneve, që kur telefoni të hapet, të jetë vetëm një kuadër, pa vijë ndarëse sikur e shohim te telefoni i TCL.

Ende nuk dihet nëse do të hyjë ndonjëherë ky telefon në prodhim, por nuk duket se dikush do ta blinte atë, sepse vërehet qartë, që është kopja e parë që ka dalë prej prodhimi. /Telegrafi/