Tejkaluan shpejtësinë e lejuar, policia dënon dy shoferë në Gjilan

Policia e Kosovës ka njoftuar se ka dënuar dy shoferë në Gjilan, për mos respektim të shpejtësisë.

Siç njofton policia, në njërin rast në vendbanim në zonën ku kufizimi i shpejtësisë së lejuar është dyzetë (40) km/h kundërvajtësja është hasur duke vozitur me shpejtësinë njëqind e dymbëdhjetë (112) km/h, transmeton Telegrafi.

Policia bën të ditur se të njëjtës i është shqiptuar gjoba në vlerë prej pesëqind (500) euro, pesë (5) pikë negative dhe masën e përkohshme të ndalim vozitjes së mjeteve motorike në afat prej një (1) viti.

Ndërsa, në rastin e dytë në zonën ku kufizimi i shpejtësisë së lejuar është pesëdhjetë (50) km/h kundërvajtësi është hasur duke vozitur me shpejtësinë njëqind e tri (103) km/h.

“Të njëjtit i është shqiptuar gjoba në vlerë prej pesëqind (300) euro, tri (3) pikë negative dhe masën e përkohshme të ndalim vozitjes së mjeteve motorike në afat prej tre (3) muaj”, bëhet e ditur në njoftim.

Drejtoria rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 0385045047001.

Policia bën të ditur se të dhënat e juaja do të ruhen ne konfidencialitet të plotë./Telegrafi/