Do të hiqen paratë e gatshme, Euro digjitale në fazën përfundimtare

Bashkimi Evropian po i afrohet fazës përfundimtare të zhvillimit të “euros digjitale”, një hap i konsideruar si hapi i parë drejt zëvendësimit të plotë të parave të gatshme.

Sipas Bankës Qendrore Evropiane (BQE), qëllimi kryesor i euros digjitale është të sigurojë opsione përdorimi që janë të ngjashme me paratë e gatshme, duke u fokusuar në privatësinë, sigurinë dhe qasjen për qytetarët.

Megjithatë, ndërsa disa e shohin këtë iniciativë si një hap përpara, të tjerë janë të shqetësuar për mundësinë e eliminimit të parave të gatshme dhe pasojat që mund të sjellë ky proces. Eurodeputeti gjerman, Patrick Breyer, ka paralajmëruar për rreziqet që lidhen me humbjen e privatësisë dhe mundësinë që bankat të kontrollojnë më shumë ofertën monetare, çka mund të çojë në pasoja të pakëndshme për ekonominë.

Ndërkohë, pas një rritje të pagesave digjitale në eurozonë gjatë pandemisë COVID-19, dhe një rënie të përdorimit të parave të gatshme, BQE ka nisur zhvillimin e euros digjitale që mund të ofrojë një alternativë për paratë fizike. Ky zhvillim është përshpejtuar me propozimet për kuadrin ligjor nga Komisioni i BE-së në vitin 2023.

Për disa, ky përpjekje mund të shërbejë si një mjet për të hequr gradualisht paratë e gatshme, duke i dhënë mundësi bankave dhe autoriteteve shtetërore të mbikëqyrin më mirë transaksionet financiare.

Ndërkohë, disa shtete kanë hedhur një vështrim pozitiv ndaj përhapjes së pagesave digjitale, siç janë vendet nordike që kanë bërë hapa të mëdhenj në këtë drejtim, ndërsa disa shtete si Armenia dhe Gjermania mbeten prapa.

Përfundimisht, kjo tendencë ka ngritur diskutime të shumta, me disa ekspertë që e shohin si një mundësi për një të ardhme pa para, ndërsa të tjerë janë të shqetësuar për humbjen e mundësisë për të përdorur para fizike dhe për ndikimet e mundshme në ekonominë e zakonshme. /Telegrafi/