MPB njofton se dy persona nga Kumanova gjersa po shpërndanin materialet zgjedhore, janë sulmuar fizikisht nga dy persona tjerë.
Me datë 16.10.2025, në orën 11:40, në SPB Kumanovë, А.K.(32) dhe I.S.(33), të dy nga Kumanova, denoncuan se në lagjen Sredorek në Kumanovë, teksa kanë shpërndarë material zgjedhor për një parti, S.S. dhe R.Sh. nga një parti tjetër politike kanë treguar sjellje agresive ndaj tyre dhe u janë drejtuar me kërcënime, kështu që R.Sh. i ka sulmuar fizikisht.
Po ndërmerren masa për zbardhjen e rastit dhe në bashkërendim me prokurorin publik, ndaj tyre do të parashtrohet kallëzimi përkatës./Telegrafi/
