Kryeministri britanik Keir Starmer ka mbërritur në Paris për bisedime të organizuara me nxitim këtë pasdite mes liderëve evropianë, për të ardhmen e Ukrainës dhe sigurinë e kontinentit.
Kryeministri u prit nga presidenti francez Emmanuel Macron në Pallatin Elysee, transmeton Telegrafi.
Ai u përshëndet nga Emmanuel Macron në një përqafim të ngrohtë.
Dyshes i janë bashkuar figura duke përfshirë kancelarin gjerman Olaf Scholz dhe presidenten e Komisionit Evropian, Ursula von der Leyen.
Udhëheqësit pritet të diskutojnë për Ukrainën dhe sigurinë evropiane, pasi SHBA hapi në mënyrë të njëanshme bisedimet me Putinin për konfliktin. /Telegrafi/
