Spasovski: Policia për çdo ditë është në terren dhe çdokush që do të guxojë të organizojë festë do të përgjigjet penalisht

Ministri Oliver Spasovski paralajmëroi kontrolle të përforcuara nëpër vila, banesa dhe apartamente dhe ta se çdo do të përgjigjet për organizimin e festave me grupime.

Ai përsëriti se këto veprime janë vepra penale për rrezikim të shëndetit dhe sigurisë së qytetarëve.

“Kemi plan aksional që do të zbatojmë gjatë festave, për vit të ri dhe për çdo ditë do të ketë kontrolle me qëllim që të ndalojmë festat siç ndodhi mbrëmë në Vollkovë. Një ngjarje të tillë kishim edhe në Kumanovë ku ndaluam ahent familjar, dhe kështu do të vazhdojmë”, tha Spasvoski.

Lexo po ashtu Policia e Shkupit hyn në festë në një vilë në Shkup, gjendet drogë dhe arrestohen 29 persona

Ai ju bëri thirrje qytetarëve që të festojnë në mënyrë të përgjegjshme për ta ruajtur shëndetin e qytetarëve.

“Çdokush i cili nuk do të respektojë, qoftë pronar i vilës, shtëpisë apo qytetarë që marrin pjesë në ngjarje të tilla do t’u parashtrohen kallëzime penale për rrezikim të shëndetit të qytetarëve. Këtë plan operativ e përgatitën shërbimet policore dhe sipas këtij plani në çdo kohë dhe në çdo vend kemi ekipe të përgatitura për të dalë në terren”, tha Spasovski./Telegrafi/