Spasovski: Janë parandaluar mbi 3.500 përpjekje për hyrje ilegale në RMV

Në kufijtë shtetërorë nga janari deri në maj të këtij viti janë parandaluar 3.518 tentime për kalime ilegale, prej tyre shumica në kufirin me Greqinë, tha sot ministri i Punëve të Brendshme Oliver Sapsovski në mbledhjen e 23-të të Komitetit të Ministrave në kuadër të kuadër të Konventës për Bashkëpunimin Policor të Evropës Juglindore, e cila zhvillohet në Bukuresht.

Takimi drejtohet nga Ministria e Punëve të Brendshme të Republikës së Rumanisë dhe është me temë “Parandalimi i kontrabandës së emigrantëve dhe ndikimi i luftës në Ukrainë në bashkëpunimin policor”.

Ministri theksoi krizat aktuale ushtarake dhe politike-sigurie në Lindjen e Afërt dhe të Mesme, luftën në Ukrainë, situatën e pafavorshme ekonomike dhe sociale në vendet e origjinës si faktorë të rëndësishëm që ndikojnë në hyrjen dhe kalimin e emigrantëve të paligjshëm nëpër vend.

Spasovski tha se rruga e krijuar Perëndimore-Ballkan, e cila ka një konfiguracion të favorshëm gjeografik, ofron mundësi që shpejt dhe lehtë të shkohet nga Greqia në kufirin maqedonas-serb dhe më tej në vendet e BE-së.

“Në periudhën janar-maj 2023, në kufijtë shtetërorë janë parandaluar 3,518 tentativa për kalime të paligjshme, shumica në kufi me Republikën e Greqisë – 3,048, ku është shënuar një rënie prej 42% në tentativa, si dhe me 32. % është zvogëluar numri i tentativave në kufi me Republikën e Serbisë”, tha Spasovski./Telegrafi/