Spasovski: Janë duke u bërë hetime financiare për 7 persona nga Klinika e Onkologjisë

Ministri i Punëve të Brendshme, Oliver Spasovski, pasditen e sotme në komisionin anketues në Kuvend të formuar për përcaktimin e përgjegjësisë politike për skandalin në Klinikën e Onkologjisë, ka zbuluar se ndaj 7 personave nga kjo klinikë janë duke u zhvilluar hetime financiare, përcjell Telegrafi Maqedoni.

“Në lidhje me atë që thonë ekspertët se të gjithë fajtorët duhet të jenë në paraburgim, konfirmoj absolutisht se kushdo që shpallet fajtor jo vetëm që do të jetë në paraburgim, por edhe do të përgjigjet para gjykatës kompetente dhe do të dënohet. Në fakt, dua t’ju them se deri tani kemi vepruar me disa urdhra për sigurimin e provave dhe paralelisht tashmë po kryhen hetime financiare për disa persona.

Krahas hetimit penal, në lidhje me këtë proces po kryhet një hetim financiar për rreth shtatë persona. Provat janë siguruar, pajisjet elektronike janë konfiskuar, kartat e shëndetit janë konfiskuar dhe ajo që shkruhet në dokumente dhe ajo që ka në pajisjet elektronike nuk mund të ndikohet nga askush. Është fakt i pamohueshëm”, tha Spasovski.

Ai shtoi se në kohën e ministrisë së Bekim Saliut nuk është raportuar asnjë vepër penale në Klinikën e Onkologjisë në Ministrinë e Punëve të Brendshme apo në Prokurori.

“Veprimin e parë do ta bëjmë më 1 shtator 2023 kur dikujt tjetër të jetë ministër. Tani as presidenti i vendit dhe as kryeministri nuk mund të bëjnë presion në atë që po bëjmë tani dhe të mohojnë provat që i kemi ofruar në Prokurorinë Publike”, shton Spasovski./Telegrafi/

Lexo po ashtu Sali para Komisionit Hetimor: Kam kërkuar dorëheqjen e ish-drejtorit të Onkologjisë