Solskjaer: Po bëjmë plane për afatin e dimrit dhe të verës

Trajneri i Manchester Unitedit, Ole Gunnar Solskjaer ka konfirmuar se kanë plane për tregun e janarit, por edhe atë të verës.

Skuadra e Solskjaerit ka duruar fillimin më të keq të sezonit në 30 vitet e fundit të klubit, por nënkryetari ekzekutiv Ed Woodward ka përsëritur mbështetjen e tij për menaxherin norvegjez.

Solskajer ka folur së fundmi për përforcime të mundshme, ku ka treguar se klubi ka bërë plane për afatin e janarit dhe të verës.

Lexo po ashtu Trembëdhjetë lojtarët që refuzuan Manchester Unitedin që kur Sir Alex Ferguson u largua - Kush janë ata dhe ku gjenden tani?

“Unë flas me Edin shpesh dhe rregullisht. Kemi folur shumë herë, kemi një plan dhe e dimë se kemi marrë disa vendime që ndoshta në afat të shkurtër do të na dëmtonin, por e dimë se në planin afatgjatë do të na sjellin dobi. Kjo është pjesë e planit”, ka thënë fillimisht Solskajer.

“Por, rezultatet janë gjithmonë gjëja kryesore dhe ne mund të ecim përpara më shpejt nëse marrim rezultate dhe bëjmë paraqitje të mira”.

“Jam i sigurt që do të arrijmë atje. Është ende duke u planifikuar afati i ardhshëm i transferimeve, afati i verës dhe se si ne shohim ekipin duke ecur përpara”, përfundoi norvegjezi. /Telegrafi/