S’kam asnjë problem me lojtarët e Chelsea, por e kaluara tregon të kundërtën

Starti i dobët i këtij sezoni për Chelsea e detyroi Mourinhon të vinte në dyshim disa nga titullarët, dhe si rezultat duke shkaktuar edhe pakënaqësi në dhomat e zhveshjes së “bluve” të Londrës.

Mourinho vendosi të linte në shtëpi lojtarët Oscar, Loic Remy dhe Radamel Falcao, për ndeshjen ndaj Portos në Champions, teksa kapiteni John Terry u la në stolin e rezervave. Megjithatë tekniku portugez u shpreh se marrëdhëniet e tij me lojtarët e Chelsea-t janë “fantastike”.

Pasi ka pësuar 4 humbje gjatë këtij sezoni, është e qartë që ekzistojnë disa probleme në “Stamford Bridge” dhe 52 vjeçari njihet për tendencën për të polemizuar me lojtarët e tij. Këta janë lojtarët që gjatë karrierës së tij, Mourinho nuk ka pasur një marrëdhënie të mirë.

IKER CASILLAS
Casillas dhe Mourinho shpenzuan tri sezone së bashku te Real Madridi, me ish numrin një të “Los Blancos” që eventualisht u detyrua të qëndronte në stolin e rezervave, pas një dekade si titullar i padiskutueshëm në “Bernabeu”, duke i lënë vendin Diego Lopez në sezonin 2012-13. Ky vendim i trajnerit portugez erdhi si pasojë e një telefonate që Casillas kishte bërë me Xavin, pas një “El Clasicco”-je, ku kishte pasur polemika dhe shumë zënka midis lojtarëve të Realit dhe atyre të Barçës. Portugezi i pa këtë veprim si një tradhti të pafalshme, teksa dëshironte të krijonte një fr5ymë urrejtjeje midis lojtarëve të tij dhe atyre të Barcelonës.

SERGIO RAMOS
Ramos buri në diskutim mënyrat kritikuese të Mourinhos drejt lojtarëve të tij, pas një humbjeve në kampionat ndaj Sevilla-s, dhe si rezultat i kësaj ai u la jashtë ekipit titullar në ndeshjen e Champiosnit ndaj Manchester City-t. Dyshja nuk arriti të pajtohej dhe mbrojtësi spanjoll në 2013-n i tha presidentit Florentino Perez, që ose Mourinho duhet të largohej nga klubi, ose ai do të kërkonte transferimin diku gjetkë.

WILLIAM GALLAS
Edhe pse francezi nuk polemizoi drejtpërdrejt me Mourinhon, Chelsea pretendoi se Gallas kishte kërcënuar që do të shënonte qëllimisht një autogol nëse do të aktivizohej në ndeshjen e parë të sezonit në Premier League ndaj Manchester City-t, teksa francezi kërkonte largimin nga “Stamford Bridge” në 2006-n. Gallas refuzoi të luante me ekipin e “bluve” të Londrës dhe më pas iu bashkua Arsenalit, pavarësisht tentativave të Mourinhos për ta mbajtur në ekip.

PEPE
Pasi e përkrahu mbrojtësin e tij në disa episode kontradiktore në fushën e lojës gjatë sezonit 2010-2011, Mourinhos i “mbeti hatri” nga vendimi i Pepes, i cili doli përpara gazetarëve duke thënë se trajneri duhet të tregojë më shumë respekt për ikonën e Realit, Iker Casillas. Mourinho u përgjigj duke thënë : “Pepe ka një problem, dhe ky problem quhet Raphael Varane.”

KAKA
Përgjatë të gjithë periudhës që Mourinho dhe Kaka ishin së bashku në Madrid, qarkullonin zëra që dyshja nuk shkonte mirë me njëri-tjetrin. Mesfushori brazilian ishte i dëmtuar në pjesën më të madhe të sezonit dhe nuk gjeti asnjëherë hapësirat e duhura nën drejtimin e portugezit, i cili vendoste shpesh ta linte në stol për 90 minuta. Duke folur së fundmi, Kaka pohoii se kishte pasur mosmarrëveshje midis të dyve. “Është e vërtetë që kemi pasur disa mosmarrëveshje, por unë nuk kisha zgjidhje tjetër veçse të vazhdoja të punoja, dhe ashtu bëra.”

JUAN MATA
Marrëdhënia e spanjollit Juan Mata dhe Mourinhos ishte aq e keqe sa vetë mesfushori pohoi se nuk kishte pasur zgjidhje tjetër veçse të largohej nga Chelsea, teksa dyshja nuk komunikonte fare me njçri tjetrin në 2014-n. Mesfushori i Spanjës i kushtoi Manchester United 45 milionë € në janar, por që nga ajo kohë deklaroi se kurrë nuk kishte pasur dialog me trajnerin e tij në “Stamford Bridge”. Ky ishte fundi i aventurës së Juan Mata-s me “blutë” e Londrës, edhe pse një sezon më parë kishte qenë beniamini i tifozerisë, duke u shpallur dhe lojtari më i mirë i vitit për Chelsea-n.

KEVIN DE BRUYNE
Blerja rekord e Manchester City-t, u shit nga Mourinho për 25 milionë euro vetëm 19 muaj më parë, duke u transferuar te Wolfsburgu në Gjermani, pas një eksperience negative në Londër. Mesfushori belg që nga ajo kohë ka deklaruar se kishte folur me trajnerin portugez vetëm në dy raste gjatë aventurës së tij në “Stamford Bridge”, teksa Mourinho pati deklaruar se De Bruyne refuzoi të konkurronte për një vend titullari në ekip.

QUARESMA
Mourinho ka qenë një nga disa trajnerët që mbetën të zhgënjyer nga niveli i përkushtimit të treguar nga fantazisti portugez. Pasi nuk arriti të linte shenjë nën drejtimin e Mourinhos, ai u huazua te Chelsea, por trajneri portugez i bëri të qartë se duhet të përmirësohej para se të kthehej. “Quaresma ka shumë mundësi të kthehet, por duhet të kthehet me një mentalitet ndryshe për të treguar që ia vlen të luajë te Interi”, deklaroi Mourinho.

SAMUEL ETO’O
Sulmuesi veteran prishi marrëdhëniet e tij me Mourinhon, teksa trajneri i Chelsea-t u filmua nga një televizion francez duke thënë: “Eto’o është 32 vjeç, mbase 35, kush e di?” Edhe pse Eto’o e mor me të qeshur komentin e portugezit duke e festuar “si i moshuar” golin e shënuar ndaj Manchester United, ai i tha gazetarëve: “Unë jam 33 vjeç. Dhe nuk keni pse të besoni një budalla që më quajti një “burrë të moshuar”.

MARIO BALOTELLI
Mourinho e la jashtë ekipit Balotellin pas ndeshjes së Championsit midis Interit dhe Chelsea-t në vitin 2010, pas një polemike me sulmuesin italian. 52 vjeçari e ka pranuar që Balotelli e kishte bërë të humbte durimin në disa raste, përfshi kur SuperMario kishte preferuar të ndiqte Çmimin e Madh të Monzas në Formula 1, duke mos u paraqitur në mbledhje, edhe pse në fund portugezi e komentoi duke qeshur veprimin e Balotellit.

CRISTIANO RONALDO
Ronaldo u filmua nga një televizion spanjoll teksa shante drejtpërdrejt portugezin gjatë një fitoreje ndaj Malaga-s në 2013-n. Sipas kanalit televiziv, “Cuatro”, ish futbollisti i Manchester United kishte shpërthyer duke thënë në portugalisht : “Foda-se” (Ik q**!) drejt stolit madrilen pasi shënoi golin e tij të 200-të për klubin. Dhe gjatë një deklarate të dhënë në vitin 2014, Ronaldo kritikoi Mourinhon duke e bërë përgjigjës për krijimin e një atmosfere negative në Madrid, gjatë tre sezoneve të tij në “Bernabeu”, duke shtuar më pas: “Nuk kam marrëdhënie shoqërore me të”, teksa CR7-ës nuik i dukej e drejtë sjellja e Mourinhos drejt tifozëve dhe lojtarëve në Madrid.