Situata e medaljeve pas ditës së tretë në Paris 2024: Kosova në vendin e 16-të në ranglistë

Distria Krasniqi e ka fituar medaljen e argjendtë në Lojërat Olimpike, duke i sjell Kosovës të parën medalje nga “Paris 2024”

Xhudistja jonë u mposht në finale nga uzbekistanja, Diyota Keldiyorova në kategorinë deri në 52 kilogramë, por që për të ishte një arritje historike, pasi është e dyta medalje në lojërat olimpike.

Me këtë medalje, Kosova gjendet në vendin e 16-të në ranglistën e Lojërave Olimpike, por që në ditët e ardhshme pritet të ngjitet më lartë, pasi do të kemi garuesit tjerë në disiplina të ndryshme.

Por, cili vend po udhëheq deri më tani me medaljet e fituara?

Pas ditës së tretë, Japonia është ngjitur nga vendi i pestë në të parin, me shtatë medalje të fituara: Katër të arta, dy të argjendta dhe një të bronztë.

Pas saj është Australia, që ka grumbulluar katër të arta dhe dy të argjendta, në total me gjashtë.

Lexo po ashtu Me çfarë shume monetare e shpërblen Distria Krasniqin shteti i Kosovës si fituese e medaljes së argjendtë

Në vendin e tretë renditen Shtete e Bashkuara të Amerikës me 12 medalje, por që kanë vetëm tri të arta, gjashtë të argjendta dhe tri të bronzta.

Më poshtë mund ta shikoni listën e plotë të vendeve që udhëheqin me medalje të fituara pas tri ditëve në Lojërat Olimpike. /Telegrafi/