Siguria kibernetike 2024-2025, Andonovski: Duhet të krijojmë mjedis digjital të sigurtë dhe rezistent

Sot filluan zyrtarisht grupet punuese për zhvillimin e Strategjisë së re nacionale për siguri kibernetike të Republikës së Maqedonisë, për periudhën 2024-2028.

Sipas Ministrit Jovan Andonovski vizioni kryesor i institucionit që ai drejton do të jetë krijimi i një mjedisi digjital të sigurt dhe rezistent.

“Siguria kibernetike është një aspekt kyç i sigurisë dhe stabilitetit kombëtar në epokën e digjitalizimit të shpejtë. Strategjia e re Kombëtare e Sigurisë Kibernetike do të jetë një dokument kyç që do të hapë rrugën për forcimin e kapaciteteve tona në këtë fushë. Vizioni ynë është për të krijuar një mjedis digjital të sigurt dhe rezistent që do të mundësojë zhvillimin e qetë të ekonomisë dhe shoqërisë digjitale”, deklaroi Andonovski.

Sipas, Andonovit, ne periudhën e kaluar Statistikat kanë qenë alarmante, me 93% të rasteve, një sulmues i jashtëm mund të shkelë mjedisin e rrjetit të një organizate, po aq sa 43% e të gjitha shkeljeve janë kërcënime të brendshme, të qëllimshme ose të paqëllimshme, dhe mesatarisht, vetëm 5% e të dhënave të kompanisë janë siç duhet të mbrojtura.

“Nuk na mbetet gjë tjetër veçse të ndërtojmë infrastrukturë të fortë dhe të investojmë në kapacitete njerëzore profesionale me të cilat transformimi digjital do të bëhet sa më efikas dhe me sa më shumë qëndrueshmëri”, theksoi Andonovski.